BODI GAMES 2024: Спортын наадамд баг хамт олноороо амжилттай оролцлоо

Бодь Группийн 2024 оны спортын наадам 10-р сарын 28-наас 11-р сарын 03-ны хооронд спортын 7 төрлөөр амжилттай зохион байгуулагдлаа. Энэ удаагийн наадамд нийт 9 компанийн 550 гаруй баг, тамирчид хурд, хүч, авхаалж самбаагаа сорин өрсөлдөж, шилдгүүдээ тодруулсан юм.

"Цэцэнс Майнинг энд Энержи" ХХК-аас 50 гаруй баг, тамирчид бүх төрлөөр идэвхтэй оролцож, багийн дүнгээр 2-р байранд шалгарлаа. Хувийн төрөлд ч олон амжилт үзүүлсэн бөгөөд шатрын тэмцээний эрэгтэй төрөлд Д.Мөнхтөр 1-р байр, Б.Батболд 3-р байр, эмэгтэй төрөлд Б.Долгоржав 1-р байр эзэллээ.

Дартсын төрөлд Б.Батболд 3-р байранд шалгарсан бол ширээний теннисний тэмцээний эмэгтэй төрөлд Т.Номин 1-р байр, Б.Долгоржав 2-р байр, эрэгтэй төрөлд Б.Батболд 3-р байр, хосын төрөлд 3-р байр эзэлсэн амжилтыг гаргасан байна. Сагсан бөмбөгийн эмэгтэй баг мөн 3-р байранд орж, баг хамт олны амжилт бүтээлээр дүүрэн өрсөлдлөө.

Нийт баг, тамирчдадаа халуун баяр хүргэж, спортын өндөр амжилт хүсье.