Эх орны хөгжил цэцэглэлтийн цөм болсон эрчим хүчний тав дахь эх үүсвэр Бөөрөлжүүт цахилгаан станцыг ашиглалтад оруулахаар Цэцэнс Майнинг энд Энержи ХХК-ийн инженер, техникийн ажилтнууд өдөр хоногтой уралдан ажиллаж байна.
Бөөрөлжүүт бол хүрэн нүүрсний уурхай дээр түшиглэсэн цахилгаан станц төдий бус Эрчим хүчээр тусгаар улс болохын төлөө хөгжүүлж буй эрчим хүчний тогтвортой экосистемийн нэг хэсэг төсөл юм. Дэлхий дахинд гарч буй Технологийн салбарын тэсрэлттэй хөгжлийг тогтвортой, найдвартай эрчим хүчний эх үүсвэргүйгээр төсөөлөх боломжгүй. Бөөрөлжүүт цахилгаан станцын эхний блок 2024 оноос эхлэн шат дараалалтайгаар ашиглалт орж эхэлснээр, Улаанбаатар хотын иргэдийн амьдрал, аж ахуйн нэгжүүдийн үйл ажиллагаа, төслийн үйл ажиллагаа явуулж буй нутаг орны хөгжилд үлэмж нөлөө үзүүлж эхэлнэ.
Монгол оюун, Монгол баялгаар сүндэрлэж буй Эрчим хүчний дэд бүтцийг хөгжүүлэх энэхүү түүхэн үйл хэрэгт шилдэг мэргэжилтнүүд, эрдэмтэд болон орон нутаг, төр, хувийн хэвшлийг дэмжин оролцохыг уриалж байна.
Бөөрөлжүүт - Ирээдүйг асаана!
Алсын хараа
Бид Монголдоо үйлдвэрлэсэн эрчим хүчээр эх орныхоо эдийн засгийг хүчирхэгжүүлнэ. Бид тогтвортой, найдвартай эрчим хүчийг үйлдвэрлэн нийлүүлснээр нийгмийн бүхий л салбарт бодит нөлөөг бүтээж, монголчуудын амьдралын чанар дээшилнэ.
Эрхэм зорилго
Дэвшилтэт технологи, тэргүүн туршлага, тогтвортой хөгжил болон үр ашигтай хамтын ажиллагаа бүхий нөөц боломжийг оновчтой ашигласан эрчим хүчний экосистемийг тасралтгүй хөгжүүлнэ.
Үнэт зүйлс
Бүтээмж, ашигт ажиллагааг нэмэгдүүлсэн шийдлүүдийг тасралтгүй санаачлан, хөгжүүлнэ.
Оролцогч талуудын итгэлцэл дээр суурилсан хариуцлагатай хамтын ажиллагааны соёлыг бүтээнэ.
Нийгэм, эдийн засаг болон байгаль орчны тэнцвэрт байдлыг хадгалсан үйл ажиллагааг эрхэмлэнэ.
Уриа үг
Бид эх орныхоо гэрэлт ирээдүйг
бүтээхийн төлөө ажилладаг.
